Мë 23 mars të vitit 2019, Diversity Media organizoi një mëngjes mediatik me një grup gazetarësh nga Struga dhe Ohri që janë edhe korrespondentë të medieve kombëtare nga kjo pjesë e Maqedonisë.
Në takim u fol për rëndësinë e gazetarisë profesionale në luftën kundër lajmeve të rrejshme dhe dezinformatave. Pjesëmarrësit ishin të një mendimi se ky event është shumë i rëndësishëm sepse, sipas tyre, rrallë herë ndodh që tu kushtohet vëmendje gazetarëve të medieve lokale në vend dhe të dëgjohen qëndrimet e tyre për gjendje të caktuara. Ata theksuan se një nga problemet më të mëdha me të cilat ballafaqohen janë lajmet e rrejshme të disa portaleve lokale, gjë që ndikon në kredibilitetin e gazetarisë.
Nga ky mëngjes mediatik u soll si përfundim se nismat e këtilla të sektorit civil duhet të bëhen praktikë në luftën e përbashkët për një edukim më të mirë mediatik që si qëllim përfundimtar ka përballjen e shpejtë dhe efikase me joprofesionalizmin në medie në formë të lajmeve të rrejshme dhe dezinformatave.
Ky ishte aktiviteti i fundit në kuadër të projektit „Të menduarit kritik për qytetarë aktiv” të Diversity Media në partneritet me Televizionin Alsat M si pjesë e „ KriTink“ – Të menduarit kritik për qytetarë me aftësi mediatike.
Ka për qëllim:
– Stimulimin e të menduarit kritik si bazë për një angazhim më aktiv të qytetarëve – bartës të demokracisë dhe ndryshimeve shoqërore.
– Zbulimin e sistemit të manipulimeve mediatike përmes publikimit të dezinformatave dhe lajmeve të rrejshme, me ç’ka do të nxitet të menduarit kritik i bazuar në argumente.
– Theksimin e standardeve të gazetarisë profesionale dhe respektimin tyre në redaksi, si nevojë e qytetarëve me edukim mediatik dhe praktikë në punën e medieve.
– Rritjen e angazhimit dhe interesit tek të rinjtë në jetën publike dhe aftësimin e tyre për të dalluar gjuhën e urrejtjes nëpër mediet sociale, si mjet për përhapjen e jotolerancës dhe konflikteve.
Në kuadër të projektit u organizua një punëtori „in house“ me gazetarë dhe producentë në Televizionin Alsat M dhe punëtori me gjimnazistë nga Struga, Ohri dhe Kërçova për gjuhën e urrejtjes në rrjetet sociale. U prodhuan kronika dhe intervista televizive me tema të cilat në aspekte të ndryshme e trajtonin dhe sqaronin edukimin mediatik.
Të menduarit kritik për qytetarët me aftësi mediatike – KriThink, projekti implementohet nga Fondacioni Metamorfozis në partneritet me EUTOTHINK – Qendra për strategji Evropiane
